Pêrodayîş heqî ser o, ters şikena hele bêro
Awe serî ser de şêro, mekur çeng û wirdês dima!
Eke alim aya nêbi, bi rûmet û paye nêbi
Şarî r’ xizmet xaye nêbi, mekur hes û hewes dima!
Çin o hewcey xem û keder, zerrê xo ra berzi teber
Wazen hezer, wazen sefer, mekur puk û vewrês dima
Kam bo wayîr çi ziwan bo, mumîn yan zî bêîman bo
Camêrdo ehlê wîjdan bo, mekur dam û qefes dima!
Heqbeyê ey veng û varit, nêzana kamî tirawit
Eke pê hikmet nêvawit, mekur qala abes dima!
Her kes kewt derdê canê xo, xebtîyeno qey nanê xo
Semêd warpay linganê xo, ti mekur purt û rês dima!
Gureyanê qijan ca verd, kamî çi semed ra se kerd,
Ti barê Homay tede verd, hinî mekur qesas dima!
Merdimîn qey ti bêhêş î, na dinya de zehmetkêş î
Însanan ra zerrîweş î, mekur fikro teres dima!
Dîwano Nêmcet - WK MERDIMÎN